【十三短打】曼联挨多场好凄凉

【Dafabet体育】都入咗决赛,有咩咁凄凉?凄凉,正如摩连奴淘汰切尔达之后所讲,挨到尾,而且仲有排挨。 撰文:球十三 曼联头先真系赢得好险,主场踢嚟冇优势唔在讲,最后20分钟冇晒,如果唔系4强战前高呼曼彻斯特泛「蓝」嘅前曼城球员约翰古达迪临完场前失诸交臂,曼联今季就宣告玩完,而依家英国报章就会大字标题写曼城旧将搞死曼联。 嚟到季尾,真系睇住呢只红魔举步维艰,一场一场挨落去,几乎场场唔系增添伤兵就有人准备「入册」坐波监。摩佬讲得啱,欧霸决赛对手阿积士剩低1场周末对威廉二世,求一丝荷甲争标希望(目前落后飞燕诺1分),之后就叠埋心水准备踢欧霸决赛,而曼联期间仲要踢多3场,不过断估佢3场都会尽收主力,再唔畀班主力球员唞,只怕挨唔到5‧24。 曼联过去斗阿积士2胜2负,人家好多生牯仔有气有力,场决赛摆明唔易踢,除咗牌面之外,唔见得红魔有任何优势可言。 我哋波迷同样挨咗一季,今晚实在谂唔到唔挨夜睇波嘅理由,冇理由错过可能封王嘅重要时刻。记得去季李斯特城喺自己非赛日锁定封王,虽然都见到班球员喺社交网络「直播」庆祝,但点及得球员喺球场上庆祝,展现澎湃激情? 图片来源 : ©AFP

发表评论

电子邮件地址不会被公开。 必填项已用*标注