【十三短打】施丹点拆「BBC」?

【Dafabet体育】虽然十三唔太欢喜讲一啲假设再假设嘅话题,但牵涉到可能影响基斯坦奴朗拿度、加里夫巴利同「新亨利」嘅去向,系转会大新闻,冇得避。 撰文:球十三 《队报》啱啱讲皇家马德里教练施丹同「新亨利」基利安麦巴比秘密会面,如果消息属实,以施丹喺法国球圈等同神一样嘅地位,小朋友唔动容至奇,尤其系佢以正选力说小朋友上「马」,的确吸引。 问题嚟啦,就算皇马真系卖走艾华路莫拉达、占士洛迪古斯,本身正选系「BBC」,即系加里夫巴利、宾施马同埋基斯坦奴朗拿度。若然「新亨利」加盟而再加埋3个一齐正选就显然失衡,代表「BBC」总有一个沦为后备,以佢哋份量边肯制。 即系话,「BBC」拆伙,3个只得活两个。 既然假设再假设,唔争在评评边个最似会走?宾施马今季表现相当唔错,系球队赢双料冠军嘅要员,加埋传媒仲讲紧佢可能升格系球队第3队长,唔似会走嘅格局 如果呢个假设成立,即系剩低两大球星。基斯坦奴朗拿度早前传落「马」传得好盛,讲到叫金牌经理人文迪斯促成佢回归曼联咁,但之后又传经皇马会长佩雷斯安抚后可能留低,去定留,怕且连C朗自己都举棋未定。至于加里夫巴利,话佢会走真系传咗好耐,简直听到好似听冷气机声咁麻木晒,但佢近年影响力好似减少,冇人包生仔敢断言冇可能。 换转你系施丹,你会腾出边个造就新亨利上位? 撰文:球十三 足球迷叫第十二人,冇偏爱,冷眼旁观系十三。 email:[email protected] 欢迎浏览球十三fb专页,若得到波友一个like,就是我们团队的一大鼓舞: www.facebook.com/ballthirteen 图片来源 : ©AFP

发表评论

电子邮件地址不会被公开。 必填项已用*标注